काठमाडौं । नेपाल प्रिमियर लिग (एनपीएल) मा विराटनगर किंग्सलाई सुदूरपश्चिम रोयल्सले १८३ रनको विजयी लक्ष्य पेश गरेको छ ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा ६ विकेट गुमाएर १८२ रनको विशाल स्कोर खडा गर्यो । सुदूरका लागि कप्तान दीपेन्द्रसिंह ऐरीले शानदार ब्याटिङ गरे । २४ बलको सामना गरेका दीपेन्द्रले ५ छक्का र ३ चौकाको मद्दतमा ५७ रनको अर्धशतकीय पारि खेले ।

ब्रान्डन म्याकमुलेनले ३६ रन बनाएको खेलमा विनोद भण्डारीले २३, इशान पाण्डेले २१, सैफ अली जैबले १४ तथा स्कट कुगेलेइनले १० रन थपे । बलिङतर्फ अनिल खरेलले सर्वाधिक तीन विकेट लिँदा इस्मत आलम, क्रिस सोल र बसिर अहमदले समान १ विकेट लिए ।