काठमाडौं । इंग्लिस लिग कप सेमिफाइनलको पहिलो लेगमा टोटनहमविरुद्ध लिभरपुल १–० ले पराजित भएको छ । योसँगै लिभरपुलको २४ खेलसम्मको अपराजित यात्रा समाप्त भएको छ ।

लिभरपुलको अपराजित यात्रामा पूर्णविराम लगाउनेक्रममा टोटनहमको जितमा १८ वर्षीय बेरगभालले निर्णायक गोल गरे । उनले ८६ औँ मिनेटमा डोमिनिक सोलान्केले दिएको पासमा गोल गरेका हुन् ।

यी दुई टिमबीचको पहिलो लेग लन्डनको टोटनहम स्टेडियममा भएको थियो । लिभरपुल र टोटनहमबीचको दोस्रो लेग ६ फेब्रुअरीमा एनफिल्डमा हुनेछ ।