काठमाडौं । नेपाल प्रिमियर लिग (एनपिएल) अन्तर्गत मंगलबारको दोस्रो खेलमा कर्णाली याक्स विरुद्ध पोखरा एभेन्जर्सले टस जितेर पहिले ब्याटिङ गर्ने निर्णय गरेको छ।

पोखरा आफ्नो चौंथो खेलमा प्रतिस्पर्धा गर्दा कर्णालीले भने आफ्नो पाँचौ खेल खेल्दै छ। लिगमा करं०ली ४ खेलमा २ जित सहित ४ अङ्कका साथ चौंथो स्थानमा रहँदा पोखराले यसअघिका ३ खेलमा १ जित र २ हार भोगेको छ।

आज कर्णालीको टिममा एक परिवर्तन गरेको छ। घर फर्किएका भारतीय स्टार शिखर धवनको स्थानमा बाबर हायत पहिलो रोजाईँमा मैदानमा उत्रिंदै छन्।पोखराले भने लुम्बिनीलाई हराएको टिमलाई नै निरन्तरता दिएको छ। कर्णाली याक्स प्लेइङ ११: देव खनाल, बाबर हायत, चाडविक वाल्टन, जिसान मक्सुद, विलियन बोसिस्टो, अर्जुन घर्ती, गुल्सन झा, सोमपाल कामी, नन्दन यादव, विपिन शर्मा, युनिशसिंह ठकुरी पोखरा एभेन्जर्स प्लेइङ ११: आन्द्रेस गौस, दिनेश खरेल, कुशल भुर्तेल, दिलिप नाथ, म्याट क्रिटले, रेमोन रेइफर, नारायण जोशी, माइकल लिस्क, विपिन खत्री, आकाश चन्द, सागर ढकाल