चितवन, मंसिर २४ । चितवनको रत्ननगर स्थित टिकौली खेल मैदानमा रत्न प्रिय कप महिला फुटबल प्रतियोगितामा अन्तर्गत आज भएको खेलमा बागमती फुटबल क्लब विजयी भएको छ ।

अभिषेक चर्ज रजहरलाई २-० गोल गोल अन्तरले पराजित गर्दै बागमती फुटबल क्लब विजयी भएको हो । आजको खेलमा हार बेहोरे संगै अभिषेक चर्ज रजहर तेस्रो रत्न प्रिय कप महिला फुटबल प्रतियोगिताबाट बाहिरीएको छ भने बागमती फुटबल क्लब सेमिफाईनलमा प्रवेश गरेको छ ।

बागमती फुटबल क्लबका तर्फबाट साहारा लिम्बु म्यान अफ दी म्याच घोषित हुन सफल भइन । उनले नगद रू २ हजार रुपैँया प्राप्त गरिन् । उनलाई वडा नं.९ का वडा अध्यक्ष अनन्त अधिकारी र रत्ननगरका महिला नेत्रिहरूले संयुक्त रूपमा पुरस्कार हस्तान्तरण गरेका थिए ।

प्रतियोगिताको बिजेता टिमलाई एक लाख ११ हजार १११ र उपविजेता टिमलाई ५५ हजार ५५५ रूपैयाँसहित शिल्ड, मेडल, ट्रफी प्रदान गरिने छ ।