बेंग्लौर । न्यूजील्याण्डविरुद्धको टेस्ट सीरीजको पहिलो खेलमा भारतको ब्याटिङ लाइनअप ध्वस्त भएको छ । न्यूजील्याण्डले उत्कृष्ट बलिङ गरेपछि भारत ४६ रनमै समेटिएको छ । वर्षाले प्रभावित भएको खेल दोस्रो दिन बिहीवार ढिलो गरि प्रारम्भ भएको थियो ।यो टेस्टमा भारतले लञ्च समयसम्न नै ६ विकेट गुमाएर ३४ रन मात्र बनाउन सकेको थियो । ताजा अवस्थामा भारतले ३१.२ ओभरमा सबै विकेट गुमाएर ४६ रन बनाएको छ । टस जितेर पहिला ब्याटिङ गरेको भारतले लञ्चसम्म केवल ३४ रन बनाएको थियो भने आफ्ना महत्वपूर्ण ६ विकेट गुमाएको थियो ।

भारतका लागि विकेट कीपर ब्याट्सम्यान ऋषभ पन्तले मात्र सर्वाधिक २० रनको योगदान दिए भने अन्य कुनै पनि ब्याट्सम्यानले दोहोरो अंकले रन बनाउन सकेनन् । भारतका ओपनर यशस्वी जायसवालले १३ रनको योगदान दिए भने कप्तान रोहित शर्मा २ रन बनाएर आउट भए । जसप्रीत बुमराहले एक रनको योगदान दिए भने मोहम्मद सिराजले ४ रन तथा कुलदीप यादवले २ रनको योगदान दिए ।

उनीहरुबाहेक विराट कोहली, सरफराज खान, केएल राहुल, रविन्द्र जडेजा, रविचन्द्रन अश्विन शून्य रनमा आउट भए । न्यूजील्याण्डका लागि माट हेनरीले सर्वाधिक ५ विकेट लिए भने विलियम ओ’रोर्कले चार विकेट लिए । टिम साउदीले पनि एक विकेट लिए । हेनरीले १५ रन दिएर ५ विकेट लिएका हुन् ।