भर्जिल भान डाइकले रातो कार्ड खाएको खेलमा नेदरल्याण्ड्सले यूईएफए नेसन्स लिग फुटबलमा बराबरी खेलेको छ ।

शुक्रबार लिग एको ग्रुप थ्रीमा नेदरल्याण्ड्सले हंगेरीसँग १–१ गोलको बराबरी खेल्दै अंक बाँडेको हो ।
घरेलु टोलीले पहिलो हाफमा रोलेन्ड सलाईको गोलमा अग्रता बनाएको थियो ।

खेल सकिन ११ मिनेट अघि भान डाइक रातो कार्ड खादै मैदान बाहिरिएका थिए । त्यसको तीन मिनेटमा डच टिमका कोडी गाकपोको फ्रिकिकमा डेन्जेल डमफ्रिजले हेडमार्फत बराबरी गोल फर्काएका थिए ।

नेदरल्याण्ड्सका लागि डाइकले पहिलो रातो कार्ड ब्यहोरेका हुन् ।

समूहमा नेदरल्याण्ड्सले तीन खेलबाट ५ अंक जोडेर छ र दोस्रो स्थानमा छ । जर्मनी ७ अंक सहित शीर्ष स्थानमा छ । हंगेरीले दुई अंक जोडेको छ ।