चितवन, २८ फागुन । पूर्वी चितवनको रत्ननगर वडा नं १ स्थित सौराहाचोकमा रहेको साहारा सुपर मार्केटमा गयराती आगलागी भएको छ ।

आगलागीबाट सुपर मार्केटमा रहेका तीनवटा पसलमा पूर्णरुपमा क्षति भएको छ । आगलागीबाट ८० लाख बढीको क्षती भएको प्रहरीको प्रारम्भिक अनुमान छ । सुपर मार्केट भित्र रहेको सुहाना फेसन कलेक्सन पूर्ण रुपमा जलेर नष्ट भएको छ । उक्त पसलमा विक्रीका लागि राखिएका नयाँ कपडा, एसी, फर्निचर तथा अन्य सामाग्री जलेर नष्ट हुँदा ७५ लाख बराबरको क्षति अनुमान छ ।

सुहानाबाट सुरु भएको आगोले नजिकैका अन्य दुईवटा पसलमा समेत क्षति पु¥याएको छ । मार्केटमै रहेको कर्मा फेसन कलेक्सन र पिन्क सेक्रेट कपडा पसलमा समेत क्षति भएको जनाइएको छ । विजुली सर्ट भएर आगोलागी भएको हुनसक्ने बताइएको छ । राती ११ बजेबाट लागेको आगो राती १ बजे मात्रै नियन्त्रणमा आएको थियो ।

उद्योग बाणिज्य संघ रत्ननगरका अध्यक्ष शंकर गिरीले स्थलगत अवलोकन गरि घटनाको बारेमा जानकारी लिनुभएको छ ।