किरण कुँवर
चितवन, १ भदौ । नेपाल खेलकुद महासंघ रत्ननगर नगर कमिटीको अध्यक्षमा सोनुकुमार गुप्ता चयन भएका छन् । एमाले पार्टी कार्यालयमा शनिवार सम्पन्न दोस्रो भेला तथा अधिवेशनले गुप्ताको अध्यक्षतामा १५ सदस्यीय नयाँ कमिटी गठन भएको हो ।

कमिटीको उपाध्यक्षमा सुदीप सापकोटा, सचिवमा दर्शिल शर्मा, सहसचिवमा सुसन श्रेष्ठ, कोषाध्यक्षमा सुजना प्रजा र सदस्यहरुमा शिरीष सुवेदी, दोमन गुरूङ, सुजन लाम्गती, प्रविन सुनार, प्रशान्त तामाङ, समीक्षा सिग्देल, एस्मी गुरूङ, अतिथि थापामगर, दिपिन पौडेल, कृष्टिना मगर चयन भएका छन् ।

पार्टीका जिल्ला कमिटी सदस्य तथा पालिका अधिवेशन संयोजक पुष्प जोशीले उनीहरुलाई पद तथा गोपनीयताको शपथग्रहण गराएका थिए ।