काठमाडौं, ७ असार । इङ्ग्ल्यान्डसँगको पहिलो टेस्ट क्रिकेटमा पहिलो दिन भारतले उत्कृष्ट शुरुवात गरेको छ ।

कप्तान शुभमन गिल र ओपनर यशस्वी जैसवालको शतकमा भारतले राम्रो शुरुवात गरेको हो । हिजो पहिलो दिनको खेल सकिँदा भारतले ३ सय ५९ रन बनाउँदा ३ विकेट गुमाएको छ ।

जैसवाल एक सय एक रनमा आउट भएका छन् । कप्तान गिल एक सय २७ रनमा क्रिजमा छन् । त्यस्तै उपकप्तान ऋषभ पन्त पनि अर्धशतक बनाएर अविजित छन् । केएल राहुल ४२ रन र साई सुदर्शन खाता नखोली आउट भए ।

घरेलु टोलीका लागि कप्तान बेन स्कोक्सले दुई तथा बायडेन कार्सले एक विकेट लिए । घरेलु टोलीले टस जितेर पहिला बलिङ रोजेपछि भारतले ब्याटिङ थालेको हो । दुई देशबीच पाँच खेलको टेस्ट शृङ्खला हुनेछ ।