काठमाडौं, जेठ २० । संघीय संसदको दुबै सदनको बैठकमा आजदेखि आर्थिक बर्ष २०८१/८२को बजेट माथिको छलफल सुरु हुँदैछ । प्रतिनिधि सभा र राष्ट्रिय सभाको बैठक अहिले विहान ११ वजेको लागि बोलाइएको छ ।

दुबै सदनको बैठकको संभावित कार्यसूचि प्रकाशित भएको छ । प्रकाशित कार्यसूचिमा राजश्व र व्ययको बार्षिक अनुमान माथि छलफल गर्ने उल्लेख गरिएको छ । बैठकमा अर्थमन्त्री बर्षमान पुनले वक्तव्य सहित आर्थिक बर्ष २०८/र८२को राजस्व र व्ययको बार्षिक अनुमान माथि छलफल गरियोस् भन्ने प्रस्ताव प्रस्तुत गर्ने कार्यसूचि रहेको छ ।लगतै राजस्व र व्ययको बार्षिक अनुमान माथि छलफल प्रारम्भ हुने छ । यसअघि शनिबार बसेको नेकपा (एमालें) संसदीय दलको बैठकमा अध्यक्ष केपी शर्मा ओलीले बजेटमा रहेका कमीकमजोरी औल्याउन एमाले सांसदहरुलाई निर्देशन दिएका छन् ।

अध्यक्ष ओलीले सरकारले परामर्ष नगरी बजेट प्रस्तुत गरेको भन्दै बजेटमा महत्वपूर्ण विषयहरु छुटेको र कतिपय अवस्थामा सन्तुलित पनि नभएको भन्दै छलफलमा नमिलेका कुराहरु उठाउन एमाले सांसदहरुलाई निर्देशन दिएका हुन् । नेकपा माओवादी संसदीयदलको पनि शुक्रबार नै बैठक बसेर बजेट माथिको छलफल प्रभावकारी बनाउन निर्देशन भैसकेको छ ।

संबैधानिक व्यवस्था अनुसार जेठ १५ गते संयुक्त सदनको बैठकमा सरकारले आर्थिक बर्ष २०८१/८२को राजस्व र व्ययको बार्षिक अनुमान बजेट प्रस्तुत गरिसकेको छ । आगामी आर्थिक वर्षका लागि सरकारले १८ खर्ब ६० अर्बको बजेट ल्याएको छ। आजदेखि सोही बजेट माथिको छलफल प्रारम्भ गर्न दुबै सदनको बैठक बोलाइएको हो ।