उत्कृष्ट डिजाईनर ड्रेससंगै उत्कृष्ट मोडलहरुको महाकुम्भ भनेर चिनिने रनवे ‘द नेशनल डिजाईनर रनवे २०२३’ को ग्रीष्मकालीन संस्करणको शिर्ष उपाधी आईआईएफटी नेपाल कलेजकी सरु सुवेदीले जितेकी छिन् । 

राजधानीको जमलस्थित राष्ट्रिय नाचघरमा मोडल सङ्ग्स नेपालको आयोजनामा सम्पन्न ग्रीष्मकालीन संस्करणको उक्त रनवेमा निर्णायक तथा दर्शकहरुको पहिलो रोजाईमा परेको सुवेदीको उत्कृष्ट सिर्जनाले उनलाई विजेताको प्रतिष्ठित उपाधि दिलायो ।

प्रतिभाशाली तथा उदीयमान डिजाईनरहरुले आफ्नो रचनात्मकता र अद्वितीय शिल्प कौशलद्वारा र्‍याम्पमा उत्रिएका मोडलहरूमार्फत दर्शकहरुलाई चकित पारिरहँदा आफ्नो उत्कृष्ट डिजाइनले निर्णायकहरू र सहभागीहरूबाट समान रूपमा प्रशंसा बटुल्दै नमुना कलेजकी रफिना महर्जनले फर्स्ट रनर अप को उपाधी आफ्नो बनाईन ।

रोजिन शाक्यको कोरियोग्राफी तथा परमानन्द चौधरीको निर्देशनमा संचालित प्रतियोगितामा दीपक घिमिरे, रेजिना तुलाधर, धिरज तण्डुकार, प्रमिला सिलवाल र सजिना बिष्ट त्रिपाठी निर्णायक रहेका थिए।