किरण कुँवर
चितवन, ६ साउन । रोटरी क्लव अफ रत्ननगले आफनो २४ औं पदस्थापन कार्यक्रम मनाएको छ । रोटरी क्लब अफ रत्ननगरका बर्ष २०२३-२४ का अध्यक्ष हरिकुमार श्रेष्ठले रोटरी बर्ष २०२४-२५ का अध्यक्ष विरञ्जना घिमिरे सापकोटालाई शनिबार पदभार हस्तान्तरण गर्नुभएको हो ।

नयाँ समितिलाई कार्यक्रमका प्रमुख अतिथि डिस्ट्रिक गर्भनर राजेन्द्रमान शेरचनले पद तथा गोपनियताको सपथ दिलाउनु भएको हो । पदस्थापन कार्यक्रममा बोल्दै प्रमुख अतिथी समेत रहनुभएका शेरचनले नवनिर्वाचित सबै पदाधिकारी सहित सदस्यहरूलाई सफल कार्यकालको शुभकामना व्यक्त गर्नुभयो । रत्ननगरलाई साँच्चै नगर जस्तो बनाउन रोटरीमा महिला सदस्यको सहभागीताले पनि निकै ठुलो अर्थ राख्ने शेरचनको भनाइ छ ।

कार्यक्रममा बर्ष २०२३-२४ का अध्यक्ष श्रेष्ठले क्लवमा रहँदा आफ्नोे कार्यकालमा गरेका कामको बारेमा जानकारी गराउनुभएको थियो ।