काठमाडौं । अविरल वर्षापछिको बाढीले मेलम्चीमा अस्थायी पुल बगाएको छ। आइतबार रातिदेखिको वर्षाका कारण सिन्धुपाल्चोकको मेलम्ची नगरपालिका–११ स्थित फट्टेमा अस्थायी पुल बगाएको हो।

२०७८ को बाढीले पुल बगाएपछि अस्थायी पुल बनाइएको थियो। पुल बगाउँदा वडाभित्र नै एक गाउँबाट अर्को गाउँ जान अहसज भएको छ। सिन्धुपाल्चोकमा पछिल्लो १२ घण्टामा धेरै भारी वर्षा मापन भएको छ।

जल तथा मौसम विज्ञान विभागका अनुसार सिन्धुपाल्चोकको ढुंगेमा पछिल्लो १२ घण्टामा १५९ मिलिमिटर पानी परेको छ।