चितवन, २० बैशाख। रत्ननगर जेसीसले आयोजना गरेको जेसीज सप्ताह २०८० बुधबार उद्घाटन गरिएको छ । जेसीस सप्ताहको उद्घाटन तथा रत्ननगर जेसीज र पूर्वी चितवन पत्रकार मञ्च बीच मैत्रीपूर्ण फुटबल आयोजना गरिएको थियो । जेसीस सप्ताहको उद्घाटन रत्ननगर नगरपालिकाका प्रमुख प्रलाद सापकोटाले गर्नुभयो ।

जेसीस सप्ताह उद्घाटनमा आयोजित मैत्रीपूर्ण फुटबलमा पूर्वी चितवन पत्रकार मञ्च विजयी भएको छ । पूर्वी चितवन पत्रकार मञ्च रत्ननगरले जेसीजलाई ३–४ गोल अन्तरले पराजित गरेको हो । मञ्चको तर्फबाट राजनदिल गुरुङले दुईगोल, केदार शर्मा र विलबहादुर अधिकारीले एक एक गोल गरेका थिए । रत्ननगर जेसीजको तर्फबाट जेसीजबाट सुरेशजंग पाण्डे दुईगोल र रामप्रसाद शर्मा एक गोल गरेको भएपनि त्यो जीतका लागि प्रयाप्त हुन सकेन । खेल नेपाल माविको खेलमैदानमा भएको थियो ।
जसीस सप्ताह अन्तर्गत वैशाख २० गते नेतृत्व विकास तालिम, २१ गते मानसिक स्वास्थ्य शिविर, २२ गते रत्नविज समिट, २३ गते वृक्षरोपण, २४ गते लागूऔषध दुव्यर्सनसम्बन्धी सचेतना, २५ गते अन्तरमावि वक्तृत्वकला र सोही दिन जेसीस सप्ताह समापन तथा रजत जयन्ती समारोह हुने छ ।