किरण कुँवर
चितवन, १४ मंसिर । ८८ औं जिल्ला तेकवान्दो प्रतियोगिता चितवनको खैरहनीमा सम्पन्न भएको छ ।
न्यू स्टार तेकवान्दो डोजाङले आयोजना गरेको उक्त खेलमा एकसय भन्दा बढि प्रतियोगिले भाग लिएका थिए । यहि शुक्रवार र शनिवार गरेर आयोजना गरिएको प्रतियोगितामा एकसय डोजाङका ३५० महिला र पुरुष खेलाडीले सहभागिता जनाएका थिए । प्रतियोगितामा न्यू कुमरोज तेकवान्दो डोजाङले पहिलो स्थान पक्का गर्दा अतिथिको रुपमा धादिबाट चितवन गएर खेलेको धादिङ तेकवान्दो डोजाङ दोस्रो हुन सफल भएको छ ।

त्यस्तै, खेलमा निकै प्रभावशाली मानिएको खैरहनी डोजाङभने तेस्रो भएको छ । कार्यक्रममा बोल्दै खैरहनी नगरपालिकाका जनप्रतिनिधि नवराज भुषालले खेलप्रतिको लगावले खेलाडीमात्रै नभएर सिगो समाज समेत लाभान्दित हुने बताउनुभयो ।

चितवन खेलक्षेत्रमा निकै अघि रहेको उल्लेख गर्दै स्थानीय प्रतनिधि भुषालले खेलक्षेत्रमा स्थानीय तह जुनकुनै सहयोग गर्न पनि तयार रहेको बताउनुभयो ।