काठमाडौं, २१ असोज । जेन जी समुहबाट एमाले अध्यक्ष एवं पूर्वप्रधानमन्त्री केपी शर्मा ओली र तत्कालिन गृहमन्त्री रमेश लेखक बिरुद्ध प्रहरीमा जाहेरी दिए लगत्तै एमाले निकट अनेरास्वबियूले पनि काठमाडौं महानगरपालिकाका प्रमुख बालेन साह र हामी नेपालका संस्थापक सुदन गुरुङविरुद्ध किटानी जाहेरी दिन जिल्ला प्रहरी परिसर काठमाडौं पुगेको छ ।

तोडफोड, आगजनी र प्रहरी हत्या गरेको अभियोगमा साह र गुरुङविरुद्ध जाहेरी दिन अनेरास्ववियुको टोली जिल्ला प्रहरी परिसर काठमाडौं पुगेको हो । अनेरास्ववियुका पूर्वअध्यक्ष समिक बडाल र हालका महासचिव दीपक धामीसहितको टोली प्रहरी परिसर पुगेको छ ।
जाहेरी लिएर पुगेका टोलि मध्य मध्ये तीन जनालाई छलफलका लागि प्रहरीले परिषर भित्र बोलाएर छलफल गरिरहेको छ भने टोलीका अन्य सहभागीहरु परिसर बाहिर बसिरहेका छन् ।

२४ भदौमा जेनजी आन्दोलनको क्रममा संसद्देखि सिंहदरबार र प्रहरी कार्यालयहरूमा तोडफोड र आगजनी भएको थियो ।

दुवै पक्ष भद्रकालीस्थित प्रहरी परिसरमा आमनेसामने हुने देखिएपछि त्यस क्षेत्रको सुरक्षा व्यवस्था कडा बनाइएको छ ।