बुटवल, १७ फागुन । अज्ञात समूहको गोली प्रहारबाट रुपन्देहीको एक जनाको मृत्यु भएको छ ।

जिल्लाको मायादेवी गाउँपालिका वडा नम्बर २ का २९ वर्षीय राकेशसिंह लोधमाथि गोली प्रहार भएको जिल्ला प्रहरी कार्यालय रुपन्देहीका सूचना अधिकारी डिएसपी सुरज कार्कीले बताए ।
‘घरको बरन्डामा आज बिहान ८ः१५ बजे रगताम्मे अवस्थामा भेटिएकाले गोली प्रहारबाट मृत्यु भएको प्रारम्भिक अनुसन्धानबाट देखिन्छ, घटना बारे थप अनुसन्धान भईरहेको छ’, डिएसपी कार्कीले भने । कार्कीले आँखाको माथि निधार र कन्चटमा चोट लागेको देखिएको पुष्टि गरे ।
शव पोष्टमार्टमाका लागि भैरहवास्थित भीम अस्पताल पठाइएको छ । घरमा एक्लै बस्दै आएका लोध खेती किसानी गर्थे, घरायसी कारणलेउन्को हत्या भएको हुन सक्ने स्थानीयले जानकारी दिएका छन । लोधको टाउँकोमा २ राउण्ड गोली चलाईएको स्थानीयले बताएका छन । स्थानीयका अनुसार दाजुभाइबीच जग्गाको विषयमा केही महिनादेखि विवाद चलेको थियो मृतकका दाजु दिपक लोध फरार छन् ।