म्याग्दी । म्याग्दीमा मंगलबार बिहान लगातार दुई पटक भूकम्पको धक्का महसुस गरिएको छ। नेपाल भूकम्प मापन तथा अनुसन्धान केन्द्रका अनुसार बिहान ९:१८ बजे म्याग्दीको मुना क्षेत्र आसपास केन्द्रविन्दु भएर ३.५ म्याग्निच्युडको पहिलो भूकम्प गएको थियो ।

त्यसको आठ मिनेटपछि ९:२६ बजे म्याग्दीकै मुरि क्षेत्र आसपास केन्द्रबिन्दु भएर ३.६ रेक्टर स्केलको अर्को भूकम्प गएको हो।
लगातारको भूकम्पीय गतिविधिका कारण स्थानीयहरू त्रसित बनेका छन् । भूकम्पबाट कुनै क्षति भएको विवरण हालसम्म प्राप्त नभएको केन्द्रले जनाएको छ।