काठमाडौं । अमेरिकाको क्यालिफोर्निया राज्यको लस एन्जल्समा लागेको वन डढेलो विशाल रुपमा फैलिएको छ । लस एन्जल्सको डढेलो २० एकड क्षेत्रफलबाट बढेर १ हजार २ सय एकडसम्म फैलिएको छ ।

डढेलो तीब्र गतिमा फैलिरहेकाले त्यस वरपरका बस्तीमा जोखिम पनि बढेको छ । लस एन्जल्सका सबै प्रशान्त क्षेत्रका बस्ती खाली गर्न आदेश दिइएको छ ।

डढेलोका सार्वजनिक भएका दृश्य तथा तस्वीरहरुले बस्ती नजिकै बाक्लो धुँवा सहितको आगोको मुस्लो फैलिएको देखिएको छ । पछिल्लो तथ्यांक अनुसार एउटा घरमा आगलागी भएको छ ।

सर्वसाधारणहरु कार तथा बसमा चढेर सुरक्षित स्थानमा भागिरहेका छन् । लाखौं मानिसहरुलाई खतराको सूचीमा राखी सुरक्षित स्थानमा जान आग्रह गरिएको छ । हालसम्म कुनै पनि मानवीय क्षति भएको विवरण प्राप्त भएको छैन ।