काठमाडौं । नेपाल प्रिमियर लिग (एनपीएल) मा आज (आइतबार) को पहिलो खेलमा काठमाडौँ गुर्खाजले टस जितेर विराटनगर किङ्ग्सविरुद्ध पहिले बलिङ गर्ने भएको छ । कीर्तिपुरस्थित त्रिवि क्रिकेट मैदानमा विहान सवा ९ बजे काठमाडौँ गुर्खाज र विराटनगर किङ्ग्सबीच प्रतिष्पर्धा हुनेछ ।

काठमाडौँले आज विराटनगरलाई ठूलो रन रेटमा जितेको खण्डमा मात्रै काठमाडौँ प्लेअफमा पुग्नेछ भने विराटनगर प्लेअफ चरणबाट बाहिरिसकेको छ । काठमाडौंले विराटनगरलाई पराजित गर्दै प्लेअफ सम्भावना बलियो बनाउन चाहन्छ । तर आजको खेलमा काठमाडौंको जित मात्र पर्याप्त छैन । अन्य खेलको नतिजा पनि काठमाडौं अनुकूल आउनुपर्नेछ । यता प्लेअफ दौडबाट बाहिरिसकेको विराटनगर भने आजको खेल जितेर एनपीएल यात्राको सुखद रुपमा टुङग्याउन चाहन्छ ।