गुल्मी, १३ असार । घाँस काट्ने क्रममा भीरबाट लडेर गुल्मीमा एक जनाको ज्यान गएको छ । मदाने गाउँपालिका–६ घ्युउपानीकी ३१ वर्षीया लक्ष्मी थापाको स्थानीय काउले भालुखोला सामुदायिक वनमा घाँस काट्ने क्रममा भीरबाट लडेर ज्यान गएको गुल्मीका प्रहरी नायब उपरीक्षक गङ्गाबहादुर सारुले जानकारी दिनुभयो ।

मृतक थापाका दुई जना छोरा छन् । उहाँका श्रीमान् रोजगारीका सिलसिलामा दुबईमा हुनुहुन्छ ।