काठमाडौँ । सहकारी ठगी प्रकरणमा थुनामा रहेका पूर्वडिआइजी छविलाल जोशीको निवेदनमा सर्वोच्च अदालतले कैफियत प्रतिवेदन माग्ने आदेश दिएको छ।

न्यायाधीश विनोद शर्माको एकल इजलासले जोशीको निवेदनमा सुनुवाइ गर्दै कैफियत प्रतिवेदन माग्ने आदेश दिएको हो।

जिल्ला अदालत रुपन्देहीले जोशीलाई बुटवलको सुप्रिम सहकारी ठगी प्रकरणमा पुर्पक्षका लागि थुनामा पठाएको थियो। जिल्ला अदालतको आदेशविरुद्ध उनी उच्च अदालत तुलसीपुरको बुटवल इजलास पुगेका थिए।

गत चैत २२ गते उच्च अदालत तुलसीपुरको बुटवल इजलासले पनि जोशीलाई थुनामा पठाउने जिल्ला अदालतको आदेश सदर गरेको थियो। उच्चको आदेशविरुद्ध उनले सर्वोच्चमा निवेदन दिएका थिए।