ललितपुर । ललितपुर महानगरपालिकाले ऐतिहासिक सम्पदा न्हु पोखरी संरक्षण गर्न पोखरी अगाडिका घरटहरा भत्काएको छ । 

सोमबार ललितपुर महानगर-५, लगनखेलस्थित ऐतिहासिक सम्पदा न्हु पोखरी संरक्षण र विस्तारका लागि पोखरी अगाडिका घरटहरा भत्काएको हो । अनधिकृत रूपमा बनेका संरचना भत्काउन डोजर चलाएको ललितपुर नगर प्रहरी प्रमुख सीताराम हाच्छेथुले जानकारी दिए । 

न्हु पोखरी संरक्षण र पुनर्निमार्णका लागि ५ नम्बर वडा कार्यालय पनि भत्काइएको छ ।