एजेन्सी । कजाकिस्तानको अकताउ सहरमा एउटा यात्रुवाहक विमान दुर्घटना भएको छ । आज बिहान भएको दुर्घटनामा केही हताहत भएको हुन सक्ने स्थानीय अधिकारीहरुले बताएका छन् ।

स्थानीय अधिकारीका अनुसार विमानमा ६७ जना सवार थिए । दुर्घटनास्थलमा पुग्न प्रयास भइरहेको काजाकिस्तानको आपतकालीन मन्त्रालयले जनाएको छ ।

विमान बाकुबाट रुसको चेचन्याको ग्रोज्नी जाँदै थियो । बाक्लो हुस्सुका कारण उक्त विमानको रुट परिवर्तन गरिएको थियो । अजरबैजान एयरलाइन्सको तर्फबाट यस विषयमा अहिलेसम्म कुनै जानकारी नआएकाे बताइएकाे छ । घटनाबारे थप विवरण आउन बाँकी छ ।