काठमाडौं । नेपाल प्रिमियर लिग (एनपीएल) को २१ औँ खेलमा काठमाडौँ गुर्खाजलाई हराउँदै जनकपुर बोल्ट्स प्लेअफमा स्थान पक्का गर्ने पहिलो टोली बनेको छ । टोलीले ६ खेलबाट ५ मा जित र १ मा हार बेहोर्दै १० अङ्क बटुलेको छ । योसँगै टोलीले कम्तीमा शीर्ष चार स्थान पक्का गरेको हो ।

जनकपुरका लागि जिमी निसमले सर्वाधिक २७ रनको योगदान दिए । उनले १७ बलमा एक चौका र ३ छक्का प्रहार गरे । ओपनर लाहिरु मिलान्थाले २० बलमा १६ रन जोडे । उनले दुई चौका प्रहार गरे । कप्तान अनिल साहले १० बलमा ११ रन जोडे । उनले एक चौका हिर्काए ।