काठमाडौं । आईसीसी यु-१९ महिला टी-२० विश्वकप एसिया छनोट अन्तर्गत कुवेतविरुद्धको खेलमा नेपाली टिमकी कप्तान पूजा महतोले शानदार शतक प्रहार गरेकी छन् ।

टस जितेर पहिला ब्याटिङ गरिरहेको नेपालका लागि कप्तान महतोले केवल ५७ बलको सामना गर्दै १०० रनको आँकडा पार गरेकी हुन् । शतक हिर्काउन उनले १२ चौका प्रहार गरिन् । शतक प्रहार गर्ने पूजा नेपाली टिमकी दोस्रो खेलाडी हुन् । यसअघि रुविना बेल्वासे क्षेत्रीले पनि शतक हिर्काएकी थिईन् ।

ताजा अवस्थामा नेपाली टिमले १७ ओभरमा २ विकेट गुमाएर १८२ रन जोडेको छ । नेपालका लागि कप्तान महतालेले ११६ तथा सोनि पाख्रिनले २८ रन बनाएर खेलिरहेका छन् ।