काठमाडौं । परराष्ट्रमन्त्री डा. आरजु राणा देउवाले आफ्नो भ्रमणलाई भारतले निकै महत्त्व दिएको बताएकी छिन् ।

भारतमा आफूलाई गरेको व्यवहार कांग्रेस पार्टीलाई गरेको सम्मानको रूपमा बुझेको उनले बताइन । शुक्रबार कांग्रेस केन्द्रीय समिति बैठकलाई आफ्नो भ्रमणबारे जानकारी गराउँदै केन्द्रीय सदस्यसमेत रहेकी मन्त्री देउवाले भारतले निकै महत्त्व दिएको बताएकी हुन् ।

भारत भ्रमणका क्रममा मैले न्यानो स्वागत पाएँ, यो सम्मान नेपाली कांग्रेस पार्टीलाई गरेको हो जस्तो लाग्छ,’ देउवाले बैठकमा भनिन् । भदौ २ देखि ६ गतेसम्म आरजुले भारतको भ्रमण गरेकी थिइन् ।​ प्रधानमन्त्री नरेन्द्र मोदी, विदेशमन्त्री डा। एस जयशंकरसँग भेटवार्ता भएको उनले जानकारी गराइन् ।

भारतीय अधिकारीहरूसँग पञ्चेश्वर परियोजना कार्यान्वयनलगायत विषयमा छलफल भएको उनले बताइन् । भारतले कांग्रेस–एमाले नयाँ समीकरण सरकारप्रति राम्रो रेस्पोन्स गरेको आरजुले बैठकमा ब्रिफिङ गरेको एक केन्द्रीय सदस्यले जानकारी दिए ।