काठमाडौं । लुम्बिनी प्रदेशले आज नयाँ मुख्यमन्त्री पाउने भएको छ । नेकपा माओवादी केन्द्रबाट मुख्यमन्त्री बनेका जोखबहादुर महराले सोमबार राजीनामा दिएपछि लुम्बिनीले आज नयाँ मुख्यमन्त्री पाउने भएको हो ।

आज एमालेका लुम्बिनी संसदीय दलका नेता लीला गिरी नयाँ मुख्यमन्त्रीमा नियुक्त हुने छन् । गिरीलाई नियुक्तिको लागि कांग्रेस र एमालेले संयुक्तरूपमा दाबी पेस गर्ने तयारी रहेको छ । दुई दलमा भएको सहमतिअनुसार एमालेको भागमा मुख्यमन्त्री परेसँगै गिरीलाई उम्मेदवार बनाउने पार्टीले निर्णय गरेको प्रमुख सचेतक तुलसीप्रसाद चौधरीले जानकारी दिए ।

लुम्बिनीका प्रदेश प्रदेश अमिक शेरचनले नयाँ सरकार गठनका लागि दलहरूलाई आज साँझ ६ः३० बजेसम्मको समय दिएर दाबी पेस गर्न आह्वान गरेका छन् । यस्तै, बागमती प्रदेश सरकारमा नेपाली कांग्रेसले सोमबार दाबी पेस गर्ने तयारी गरेको छ । कांग्रेसबाट संसदीय दलको नेता बहादुरसिंह लामाले आज सरकारमा दाबी पेस गर्ने भएका हुन्।