काठमाडौं । प्रधानमन्त्री पुष्पकमल दाहाल प्रचण्डले विश्वासको मत माग्नुभएको छ । प्रतिनिधिसभाको बैठकमा कांग्रेसको नाराबाजीबीच सभामुखले रोष्ट्रम मा ल्याउन मर्यादापालकलाई निर्देशन दिएपछि प्रचण्ड रोष्ट्रममा पुग्नुभएको हो ।

उहांले अहिले संसदमा विश्वासको मतका लागि प्रस्ताव पेश गर्नुभएको छ । प्रचण्डले चौथो पटक विश्वासको मत लिन लाग्नुभएको हो । जनता समाजवादी पार्टी नेपाल सरकारबाट बाहिरिएपछि प्रधानमन्त्री प्रचण्डले विश्वासको मत लिन लाग्नुभएको हो ।

प्रमुख प्रतिपक्षी दल नेपाली कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछानेमाथि संसदीय छानबिन समिति गठनको माग गर्दै संसदमा अवरोध गर्दै आएको छ।