काठमाडौं । नेपाली कांग्रेसको नाराबाजी र अवरोधबीच प्रधानमन्त्री पुष्पकमल दाहाल प्रचण्डले विश्वासको मत लिने तयारी गर्नुभएको छ । सोमवार बसेको प्रतिनिधि सभा बैठकमा सभामुख देवराज घिमिरेले विश्वासको मत लिने प्रयोजनको लागि मन्तव्य दिन प्रधानमन्त्री प्रचण्डलाई समय दिनुभएको हो ।

तर, नेपाली कांग्रेसका सांसदहरू नाराबाजी गर्दै वेल घेरेका कारण प्रचण्ड संसद्‌को रोष्टममा जान सकेनन् । कांग्रेसले अवरोध गरेपछि प्रतिनिधि सभा बैठक १५ मिनेटको लागि स्थगित भएको छ ।