भारत । भारततर्फ गाँजा तस्करी गरेको अभियोगमा दुई जना भारतीय नागरिक पक्राउ परेका छन् ।

पूर्वपश्चिम राजमार्गअन्तर्गत बर्दिबास नगरपालिका–१४ मा छ सय ११ किलोग्राम गाँजासहित गएराति पक्राउ परेको जिल्ला प्रहरी कार्यालयका प्रवक्ता सन्तुलालप्रसाद जैसवालले जानकारी दिए । पक्राउ पर्नेमा बिहारको मोतिहारीका २५ वर्षीय गुड्डुकुमार यादव र २९ वर्षीय मनिषकुमार गिरी रहेका छन् । 

मिनी ट्रक  प्रयोग गरेर उनीहरूले गाँजा तस्करीको प्रयास गरेका थिए । तस्करीमा प्रयोग भएको सवारी साधनलाई पनि नियन्त्रणमा लिइएको छ ।