किरण कुँवर
चितवन, १६ मंसिर । चितवनको राप्ती नगरपालिका ६ स्थित खेल मैदानमा आयोजित मैत्रिपूर्ण फुटवल प्रतियोगितामा चितवन भेट्रान विजयी भएको हो । चितवन भेट्रानले राप्ती भेट्रानलाई ४-१ को गोल अन्तरले हराउँदै खेल जितेको हो । खेलमा राम्रै प्रभाव जमाएको राप्ती भेट्रानले लय गुमाउँदा हार बेहोर्न बाध्य भयो ।

चितवन भेट्रान फुटबल क्लबको तर्फबाट पूर्व फिफा रेफ्री वीरेन्द्र पाण्डेले गोल गर्दै सुरुवाती अग्रता दिलाएका थिए । पाण्डेले खेल अवधीभर २ गोल गर्दै जित दिलाउन मदत गरेका थिए । चितवन भेट्रानका तर्फबाट राजनदिल गुरुङले १ गोल गर्दा अर्का खेलाडी याम गुरुङले अर्को एक गोल थपेका थिए ।
त्यस्तै, राप्ती भेट्रानका तर्फबाट दिनेश तामाङले एक गोल फर्काएका थिए । राप्ती भेट्रानका तर्फबाट खेलाडी कल्याण कुँवरले उत्कृष्ट प्रदर्शन गरेका थिए ।

राप्ती भेट्रानका अध्यक्ष विजय चौधरीको संयोजनमा भएको खेलमा जर्सी भने गोल्डन गट सफ्टवएरले उपलब्ध गराएको थियो ।