काठमाडौं । कात्तिक ११ गते लाजिम्पाटस्थित इनोभा अस्पतालको पार्किङमा नुवाकोटको ककनी गाउँपालिका–६ का घरजग्गा व्यवसायी विक्रम लामामाथि आक्रमण गरेको आरोपमा थप एक जना पक्राउ परेका छन् ।

पक्राउ पर्नेमा निश्चल सुनार छन् । उनलाई झापाबाट पक्राउ गरेर काठमाडौं ल्याइएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए । चार जनाको समूहले आक्रमण गरेको बताइए पनि दुई जना अझै फरार छन् । एकजना ‘मार्शल’ भनिने शैलेन्द्र तामाङलाई प्रहरीले घटना भएकै दिन पक्राउ गरेको थियो ।

प्रहरीका अनुसार आक्रमणमा चारजना भएपनि योजना बुन्ने अरु पनि थिए । अजय लामा, निश्चल सुनार र दीपक बरामु घटनामै आक्रमणमै संलग्न थिए । अजय र दीपक पक्राउ पर्न बाँकी छन् ।