बारा, २२ साउन ।
वारा जिल्लामा अहिले व्यापक रुपमा हुन्डी जुवा र अन्य सामानहरुको तस्करी सन्चालनमा रहेको समाचार प्राप्त भएको छ।
वारा जिल्लाको मुसहरवा बलिरामपुर मटिअर्वा कवही आमवा लगायतका विभिन्न स्थानबाट ठुलो मात्रामा तस्करी भै रहेको छ।

अहिले वारा जिल्लामा लागु औषध भ्याट ट्यावलेट कपडा किराना सामान मालकिटस विस्कुट हुन्डी जुवा सँचालन भैरहेको हाम्रा सामाचार स्रोतले जनाएको छ ।

वारा जिल्लामा सादा पोसाकमा रहेका प्रहरीले जिल्लामा हुने सम्पुर्ण अवैध कारोबार देखी शान्ति सुरक्षामा समेत निगरानि गर्नु पर्ने हुन्छ तर क्राईम ब्रान्च वाराका प्रहरीले तस्करहरु सँग साठगाठ राखी अवैध रुपमा तस्करीको लाईन दिएको स्थानियहरुले आरोप लगाएका छन्।

जिल्ला प्रहरी कार्यालय बारामा कार्यरत प्रहरी नायब निरीक्षक (सई) नारायण लुइटेलमाथि तस्करी, अवैध असुली, जुवा तथा हुन्डी कारोबारलाई संरक्षण दिएको स्थानीयको आरोप छ ।

सामाचार स्रोतले दिएको जानकारी अनुसार सई लुइटेलको दरबन्दी जिल्ला प्रहरी कार्यालय पर्सामा रहे पनि उनी पछिल्लो करिब एक वर्षदेखि जिल्ला प्रहरी कार्यालय बारामा काजमा कार्यरत रहेका छन्।

बारामा काजमा आएलगत्तै उनी पर्सासँग जोडिएको नाका प्रहरी चौकी मुसहर्वाको इन्चार्ज गएका थिए।

तत्कालीन मानवस्रोत विभागका एआईजी राजन अधिकारीको प्रभावमा उनी उक्त जिम्मेवारीमा पुगेको तथा त्यस क्रममा सादा पोसाकमा प्रहरी परिचालन गरी सीमावर्ती क्षेत्रमा तस्करीसँग सम्बन्धित गतिविधिमा लागेका थिए।

लुईटेलले आफना मातहतमा रहेका प्रहरी जवानहरुलाई सादा पोसाकमा खटाई तस्करहरूसँग समन्वय गरी अवैध असुली गरेको सामाचार स्रोतले दाबी गरेको छ।

यस्तै, एआईजी अधिकारी कोशी प्रदेश प्रहरी प्रमुख रहँदासमेत सई लुइटेल उनीसँगै सादा पोसाकमा कार्यरत रहेको र त्यसैको प्रभावका आधारमा बारामा समेत आर्थिक चलखेललाई निरन्तरता दिएको आरोप लाग्दै आएको दावी छ।

सई लुईंटेल हाल सादा पोसाकका इन्चार्ज हुन्।

बाराका प्रमुख नरेन्द्र कुँवरले सई लुईंटेललाई केही दिनअघि मात्र पूर्ण रुपमा क्राइमको इन्चार्जको जिम्मेवारी दिएका हुन्।

त्यसअघि पनि सादा पोसाकमै खटिएर काम गरेका लुईंटेल क्राइम इन्चार्जको जिम्मेवारी आएपछि तस्करी, जुवा र हुन्डी लागु औषध भ्याट मौलाएको स्थानियहरुले बताउँछन् ।

सार्वजनिक आरोपमा बारा जिल्लामा केही व्यक्तिहरूको संलग्नतामा हुन्डी कारोबार सञ्चालन भइरहेको, त्यसबाट मासिक रकम असुली हुने तथा त्यसमा नेपाल प्रहरी र सशस्त्र प्रहरीका केही सदस्यको समेत मिलेमतो रहेको बताइन्छ।

यस्तै, जिल्लामा जुवा अखडा सञ्चालन भइरहेको र त्यसबाट विभिन्न तहका प्रहरी अधिकारीसम्म रकम पुग्ने आरोप पनि लगाइएको छ।

सई लुईंटेलकै संरक्षणमा बारामा आनन्द र सुबोध भन्नीको हुन्डी कारोबारी चलिरहेको बताइन्छ।

सईले हुन्डीबाट महिनाको लाखौं रुपैयाँ सम्म असुली गरेको आरोप छ।
यसमा सशस्त्र प्रहरीको समेत मिलोमतो रहेको बुझिएको छ ।
त्यस्तै बारामा शंकर भन्नेको जुवा पनि संचालन भइरहेको छ।

जसमा एसपीलाई छुट्टै भाग राखेर सई आफूले पनि छुट्टै भाग लिने गरेको आरोप छ।

आरोप लागेका सई लुइटेलको जिल्ला प्रहरी कार्यालय बाराका प्रमुख नरेन्द्र कुँवर तथा उच्च प्रहरी अधिकारीहरूसँग निकट सम्बन्ध रहेको दाबी गर्दै त्यसकै आडमा उनी प्रभावशाली रूपमा प्रस्तुत हुने गरेको उल्लेख छ।
सईं लुईंटेलले आफ्नो एसपीसँग मात्र नभएर डिआईजीसम्म सम्बन्ध राम्रो भएको बताउँदै हिँड्ने गरेको खुलेको छ।

केही दिनअघि गृहमन्त्री सुधन गुरुगं बाराको विभिन्न सीमा नाका पुगेर तस्करी पूर्ण रुपमा बन्द गर्न निर्देशन दिएपनि बारामा झनै तस्करी, हुन्डी र जुवा संचालन मौलाएको हो।

यसैबीच, इलाका प्रहरी कार्यालय सिम्रौनगढका इन्स्पेक्टर किसुनदेव शाह अर्थात केडी शाहमाथि पनि आफ्नो कार्यक्षेत्रमा तस्करी, जुवा तथा हुन्डी कारोबारलाई संरक्षण दिएको आरोप छ। अझै वारा जिल्लामा रहेको नेपाल भारत नाकामा ठुलो मात्रामा लागूऔषध ओसारपोसार झनै मौलाएको पाइएको छ।