प्रभात यादव
वीरगञ्ज, २१ चैत्र । कर्मचारीले समयमै काम नगर्दा निष्प्रभावी बन्दै गएको कार्यलयको काममा पछिल्लो समयको सरकार गठनसँगै कार्यलयमा काम भने प्रभावकारी हुदै गएको छ । सरकार गठनसँगै विभिन्न निकाएमा सुशासन र प्रभावकारी कामको विषयमा बहस भैरहँदा स्थानीय निकायमा रहेका सरकारी संस्थाहरुको काम पनि प्रभावकारी बन्दै गएको छ । कार्यलयमा हुने ढिलासुस्तीबाट प्रताडित बन्दै आएका सेवाग्राहीलाई कर्मचारीबाटै राम्रो सेवाको अनुभुती हुने गरि काम हुदै गएको पाइएको छ ।
सरकारी कार्यलयमा हुने काम प्रतिको लापरवाहि पछिल्लो सरकार गठनसँगै विस्तारै कम हुँदै गएको अनुभुति हुदै आएको छ । यस्तै, दृश्य देखियो शनिवार पर्साको नारायणी अस्पताल वीरगंजमा । अस्पतालका स्टोर इन्चार्ज प्रमुख कमलेश सहनी विदाको दिनपनि अस्पतालकौ काममै ब्यस्त भएका हुन् ।

उनि कामको व्यस्तताले निशुल्क भोजन कार्यक्रम अन्तर्गतको वीरगंज समाज सेवाले उपलब्ध गराएको खाना खाएरै अस्पतालको काममा खटिएका हुन् । आज शनिवार विदा बस्नु पर्ने कर्मचारी अस्पतालमै उपस्थित भएर सेवा प्रभावकारी बनाएका हुन् । यसले पनि जनताका आधारभुत आवश्यक्ताका विषयमा सरकारी कर्मचारीले गर्न सक्ने काम र कर्तब्यलाई अझ बढि प्रष्ट पारेको छ ।