दक्षिण युरोपका इटाली, स्पेन, ग्रीस र पोर्चुगल लगायतका देशहरुमा अत्यधिक गर्मीले जनजीवन प्रभावित भएको छ । कतिपय क्षेत्रमा तापक्रम ४० डिग्री सेल्सियसभन्दा माथि पुगेको अन्तर्राष्ट्रिय समाचार संस्था एपीले जनाएको छ ।

मौसमविद्हरूले जलवायु परिवर्तनकै असरका कारण यस्ता अत्यधिक गर्मीका लहरहरू बारम्बार देखिन थालेको चेतावनी दिएका छन् । पोर्चुगलमा आइतवार दुई तिहाइ भू–भाग ‘अत्यधिक तापक्रम’ र ‘जङ्गल डढेलोको उच्च जोखिम’ मा परेको घोषणा गरिएको छ ।

राजधानी लिस्बनमा तापक्रम ४२ डिग्री सेल्सियसभन्दा माथि पुग्ने अनुमान गरिएको छ । इटालीका लाजियो, टस्कनी, कालाब्रिया, पुग्लिया र उम्ब्रिया लगायतका क्षेत्रमा दिउँसोको चर्को घाममा बाहिरी काममा प्रतिबन्ध लगाउने तयारी भइरहेको छ ।

इटालियन ट्रेड युनियनहरूले यस्तो उपायलाई राष्ट्रिय स्तरमै विस्तार गर्न माग गरेका छन् । इटालीको स्वास्थ्य मन्त्रालयले रोम, मिलान, नेपल्स लगायत २१ वटा प्रमुख शहरहरूलाई ‘रेड अलर्ट’ ९अत्यधिक गर्मी सतर्कता० मा राखेको छ ।