नेपालगञ्ज । बझाङमा १३ वर्षीया बालिकालाई जबर्जस्ती करणी गरेको अभियोगमा एक युवक पक्राउ परेका छन्।

सूर्मा गाउँपालिका–४ घर भई जयपृथ्वी नगरपालिका–९ डेरा गरी बस्ने २१ वर्षीय पवन बोहरालाई बुधबार साँझ प्रहरीले एक १३ वर्षीया बालिकालाई जबर्जस्ती गरेको अभियोगमा पक्राउ गरेको हो।

बोहराले ती बालिकालाई जबर्जस्ती करणी गरेको भन्ने उजुरीको आधारमा जिल्ला प्रहरी कार्यालय बझाङबाट खटिएको प्रहरीले उनलाई पक्राउ गरेको प्रहरीले जानकारी दिएको छ।

यस सम्बन्धमा प्रहरीले आवश्यक अनुसन्धान गरिरहेको जनाइएको छ।