काठमाडौँ । सुदूरपश्चिम प्रदेशका आर्थिक मामिला राज्यमन्त्री प्रकाश बम चढेका गाडी भारतमा दुर्घटनामा परेको छ । बम चढेको प्रदेश ३–०१–०२४ च नम्बरको कार भारतीय नम्बर प्लेटको कारसँग ठोक्किएको थियो ।

भारतको पलिया बजार नजिक दुर्घटना हुँदा राज्यमन्त्री बमसहित उनकी श्रीमती कल्पना बम र सहयोगी पदम देउवा घाइते भएका कैलाली जिल्ला प्रहरी कार्यालय कैलालीले जनाएको छ । कारमा बमसहित तीन जना सवार थिए । प्रहरीका अनुसार राज्यमन्त्री बमको मुख र नाकमा चोट छ ।

श्रीमती कल्पना बमको छातीमा र सहयोगी पदम देउवाको टाउकोमा चोट रहेको छ । तीनै जनाको धनगढीस्थित निसर्ग अस्पतालमा उपचार भइरहेको छ । भारतको खिरी जिल्लास्थित पलिया बजारमा उपचार गरेर फर्किने क्रममा दुर्घटना भएको बुझिएको छ । तीनै जनाको अवस्था सामान्य रहेको छ ।