सर्लाही, १७ कार्तिक । सर्लाहीको बरहथवा बजारको एक किराना पसलमा आगलागी भएको छ । बरहथवा नगरपालिका–७ किसुन दासको घरमा नरेश साहले चलाउँदै आएको किराना पसलमा गएराति आगलागी भएको इलाका प्रहरी कार्यालय बरहथवाका प्रमुख प्रहरी नायब उपरीक्षक गौतम थापाले जानकारी दिनुभयो ।

आगो सुरक्षाकर्मी, स्थानीयबासिन्दा र हरिवन नगरपालिकाको दमकलको सहयोगमा दुई घण्टाको प्रयासमा निभाइएको छ । आगलागीबाट भएको क्षतिको विवरण लिने काम भइरहेको प्रहरीले जनाएको छ । आगलागीको कारण खुल्न सकेको छैन ।