काठमाडौं । संखुवासभाको मादी नगरपालिका ६ शिरिसेमा फेला परेको शङ्कास्पद वस्तु नेपाली सेनाले निस्क्रिय पारेको छ।

मंगलबार बिहान फेला परेको उक्त बस्तु बम भएको आशंका गरिएको थियो।

शङ्कास्पद वस्तुलाई नेपाली सेनाको बम डिष्पोजल टोलीले सुरक्षित साथ निष्क्रिय पारेको सैनिक जनसम्पर्क तथा सूचना निर्देशनालयले जानकारी दिएको छ।

बम डिष्पोजल टोलीले संखुवासभाको मादी नगरपालिका ६ का स्थानीयहरुलाई यससम्बन्धि (आई ई डि) सचेतनामूलक कक्षा समेत सञ्चालन गरेको छ।